"閩南語台羅拼音練習" 編輯說明

一、因為資料卡濟，所以分做上、下冊。上冊有「聲母練習」佮「附錄（台羅拼音、推荐７００字）」，下冊有「韻母練習」佮「轉調練習」。

二、「聲母練習」佮「韻母練習」是針對咱分卡袂清楚、卡會寫毋對的部分，來加強練習。

三、「轉調練習」是針對「若毋是尾字，用讀愛轉調，比賽愛寫本調」的要求來加強練習。

四、「字形」的部分，比賽規定字形依教育部公布的「臺灣閩南語常用詞辭典」為標準，所以咱這本冊所用的字詞攏是照這本辭典所編寫，逐家會當做參考。

五、教育部公布的「台灣閩南語推薦用字７００字」，是出題的重點，所以整理囥佇「附錄」；另外將「台羅拼音」的基本資料嘛囥佇「附錄」。予逐家欲參考的時卡方便。

六、「答案」另外印成附冊，練習了欲對的時，著加真利便。

台羅拼音練習封底文字：

俗語講：「江湖一點訣，妻子不可說」，祕訣若講破，著毋值兩个錢。這本冊，是個人學習過程的體會；以及教囡仔的時，解決困難所用的步數。對老先覺來講，可能是無算啥麼；毋過對新師仔來講，會當將遮的鋩鋩角角攏學起來，著離「出師」無外久囉。老祖公講：「好駛牛，也著工」，想欲出師的人，加油喔！