闕老師簡歷

闕世榴

國立台灣師範大學國文系畢業
現任國立桃園高中國文科教師

參賽紀錄 


８９年   全國鄉土語文競賽    閩南語字音字形　教師組第三名  
９６年   全國閩南語字音字形競賽　中學教師組第三名  
９７年   全國閩南語字音字形競賽　中學教師組第二名  
９８年   全國閩南語字音字形競賽　教師組第四名           


指導紀錄


９８年　　全國閩南語字音字形　高中組第一名　小學組第三名  
９９年　　全國閩南語字音字形　高中組第二名　國小組第二名
１００年　全國語文競賽　閩南語字音字形　團體: 桃園縣北區全國第一名　　　
教師組第二名   社會組第五名   高中組第一名
高中組第六名   國中組第二名   小學組第二名

"閩南語台羅拼音練習" 編輯說明

一、因為資料卡濟，所以分做上、下冊。上冊有「聲母練習」佮「附錄（台羅拼音、推荐７００字）」，下冊有「韻母練習」佮「轉調練習」。

二、「聲母練習」佮「韻母練習」是針對咱分卡袂清楚、卡會寫毋對的部分，來加強練習。

三、「轉調練習」是針對「若毋是尾字，用讀愛轉調，比賽愛寫本調」的要求來加強練習。

四、「字形」的部分，比賽規定字形依教育部公布的「臺灣閩南語常用詞辭典」為標準，所以咱這本冊所用的字詞攏是照這本辭典所編寫，逐家會當做參考。

五、教育部公布的「台灣閩南語推薦用字７００字」，是出題的重點，所以整理囥佇「附錄」；另外將「台羅拼音」的基本資料嘛囥佇「附錄」。予逐家欲參考的時卡方便。

六、「答案」另外印成附冊，練習了欲對的時，著加真利便。

台羅拼音練習封底文字：

俗語講：「江湖一點訣，妻子不可說」，祕訣若講破，著毋值兩个錢。這本冊，是個人學習過程的體會；以及教囡仔的時，解決困難所用的步數。對老先覺來講，可能是無算啥麼；毋過對新師仔來講，會當將遮的鋩鋩角角攏學起來，著離「出師」無外久囉。老祖公講：「好駛牛，也著工」，想欲出師的人，加油喔！

"閩南語音字競賽模擬" 編輯說明

一、      這本冊攏總四十五回。頭前十四回是教育部公布閩南語推薦用字７００字，是「基礎」的部分。紲落來二十回是「臺灣閩南語常用詞辭典」內面的詞，「加強」的部分。上尾仔十一回是辭典內有、毋過咱生活中卡少用著的詞，是「挑戰」你的實力。

二、      冊內面的格仔，是按照全國比賽公布的標準規格，練習的時，著會當控制家己字的大細。

三、      全國比賽的辦法佮要求，若有興趣，會使上「一百年全國語文比賽」的網站參考。

閩南語音字競賽模擬試題封底文字：

人講：「捷講喙會順，捷做手袂鈍」，抑咱佇咧練音字的比賽嘛是共款，「捷寫」予咱的工夫愈來愈深，速度愈來愈緊，愈寫愈有趣味，愈寫愈有信心。這本冊毋若是閩南語音字比賽的「題庫」，所有的音、字，攏是以教育部「台灣閩南語常用詞辭典」為標準。抑格仔的大細，嘛攏是全國比賽的標準規格，予咱練習的時，順紲訓練時間佮字大細的控制。古早人講：「有心拍石石成穿」，想欲著獎的人，加油喔！

踏話頭

　　閩南語字音字形比賽，列為全國語文競賽的正式項目。聽著這个消息，予人感覺歡喜閣驚惶。歡喜的是：閩南語音字已經是正式的「全國語文」；驚惶的是：拄才開始，毋知欲按怎才好。無像華語的字音字形，已經有真濟參考的資料。

　　個人自細漢著講台語，後來綴洪教授惟仁學拼音。佇十外年前有「鄉土語文競賽」的時，著捌參加台語音字的比賽；這幾年來，又閣有全國性的比賽，嘛攏有佮人鬥鬧熱。後來，學生組的比賽開始，鼓勵學生佮我家己的囡仔參加比賽，嘛學了真有趣味。

　　舊年，我三个囡仔拄好讀高中、國中、小學，我共講：今年恁三个我做一擺教，明年以後，著無愛閣舞這項工課。後來，桃園縣教育處希望我會當鬥相共擔任「閩南語字音字形集訓」的召集人。家己比賽是真簡單，欲教囡仔著卡困難，台語無講慣勢，所以著愛整理一寡詞彙來共教。欲擔任召集人，實在是頭殼𢯾咧燒，無教材是欲按怎教人？古早人講：頭剃落啊，無洗嘛袂煞哩，就按呢開始收集資料、研究教法。好佳哉，今年的選手攏真認真，總算無去卸著桃園的體面，予我對教育處有一个交待。

　　真濟佇桃園教台語的好朋友，希望我會當提供一寡資料予做參考。逐家無棄嫌，我是真歡喜。毋過，這聲我又閣頭疼啊！。因為做家己的教材，若有毋拄好的所在，咱會當修改、解釋；資料分予眾人，若有毋著，是會去「誤人子弟」。無法度，只好閣再蹽落去，將所有的資料一再修改、整理、校對，才有今旦日印出來的這幾本冊。逐家若感覺袂䆀，著食好鬥相報，予對台語音字有興趣的人，有參考的資料，著袂感覺遐歹學，嘛算是咱對台語文的推廣，盡淡薄仔心意。抑若有欠點的所在，著請逐家海涵，並且多多指教。

　　　　　　　　　　　                             闕世榴    2012.01

家裡說國語 她閩語競賽奪冠

家裡說國語 她閩語競賽奪冠

2012/01/03

 

【聯合報╱記者蔡明樺／龜山報導】

 

就讀桃園縣立壽山高中一年級的闕紹芸。 （圖，記者蔡明樺攝）

對生長在國語家庭的孩子來說，閩南語經常「有聽沒有懂」，就讀桃園縣立壽山高中一年級的闕紹芸，在擔任國文老師的父親指導下，參加全國語文競賽拿下閩南語字音字形項目冠軍，讓她成為校園風雲人物。

    闕紹芸的父親闕世榴是桃園高中的國文老師，對傳承閩南語有一股責任感，這次比賽除了闕紹芸奪冠，兩個兒子闕紹森、闕紹圃也分別拿下國中和國小組的閩南語字音字型亞軍，三姐弟幫闕家爭光。

在國語家庭長大的闕紹芸，因為比賽、訓練開始愛上閩南語，她希望將來能和父親一樣，當老師教更多孩子傳承閩南語文化。

全文網址: 家裡說國語 她閩語競賽奪冠 - 校園榮譽榜 - 校園指南 - udn校園博覽會 http://mag.udn.com/mag/campus/storypage.jsp?f_ART_ID=364130#ixzz1q7gjubV5

Power By udn.com